Chukup besai penguji t datai nuntung. Nadai nyangka utai bakanya tau nyadi. Nasib enda manah, jai mimpi meh sarinya. Engka salah diri empu meh nya laban t nda beati - ati maya bejalai ba sebelah nengeri besai. Maya ke ilap enda lama. Bisi ga orang bukai ke ngambi peluang. Kempang amai ga ati. Maya dalam van, baru kami sedar beg Yhan nadai. Nikal ga pulai gai stesen ba d Saberkas. Berumban engka bisi tinggal din. Lebu asa meh tudah anak ati meda beg nya nadai dia. Bendar begiga , betilik & nyerungkai utai sebelah nya. Tang, nadai meh. Pedis begulai enggau tusah meh ati. Tang, nadai ko enggau meh. Utai dah nyadi. Nyau ngeripot ngagai balai polis ba one stop centre semak The Spring. Maya nya ari minggu, enda ulih ngecop surat repot nya sida. Asuh datai baru ga ari satu.
12/10,
Datai baru ngagai balai polis one stop centre. Ngecop surat repot. Dahnya, ngagai JPN. Bendar ngiga JPN. Dah datai, lalu ngambi nombor giliran. Duduk besengah, matak seput kami duai Yhan. Kerebak ke Lumpit, peda enda chukup ga duit kena mayar ukum. Nyau gak belanda ngiga mesin atm endur ngambi duit baru. Tesat kami duai. Semadi nanya baru tetemu k mesin atm. Laban t kelalu berumban ngambi duit, ku salah pilih bahasa k dikena. Nyau ngena bahasa Cina. Nyangka laban kelalu berumban meh nya, nemu ga berurusan ngena bahasa mandarin. Lucu eh... Datai ba JPN, dah ngelebus ga gilir tua ya. Ngambi baru ga lumur. dahnya, datai ba gilir ku. ngisi pom dulu ngambi k kurang agi bebayar. Bayar setengah rega aja; rm60. Maya ke ngaga IC baru, ku enda berati ke agama ku. Semadi dalam Kerita, Yhan tepeda ka agama ku Buddha. Apu....... Nganti IC baru ku datai ila, baru ku nganti ya. Kapa nya. Nyau enggai kiruh agi ku. Semester tu mayuh mai penanggul. Bisi aja penusah nuntung. Engka munyi ko ya meh, ukai taun tua ya tu; taun baru engka manah agi ari taun tu. Kelalu mayuh utai nyadi taun tu, kelebih agi semester tu. Semina Tuhan aja nemu. Pengasih & penyayau Ya semampai meruan enggau ku. Ku nemu Ya semampai nulung ku. Taja pen ati tusah, ku berasai untung laban mayuh bala kaban, bala pangan t semampai d tisi nyukung ku belama....
No comments:
Post a Comment