makai ku asai k makai ka rau rangkai di tisi penyangkai alai penepan empulu mandi lemai...
ngirup ku nyau ga nda masuk asai k ngirup rabut tubai k bekejemut tumbuh d emperan redup..
tinduk ku enggai pejam asai ka empeleman abuk padi rutan k tekesai dipuput ke ribut biau balai..
aiihh...................
naka meh penusah dalam ati.
naka meh pnyinu ke diasai k ba kamai tangkai ati.
t meh ku ulih mutar ke jam; hari beganti sigi diasuh ku surut.
mutar k maya ku t betemu ngau nuan suba.
ti ku nemu nuan semina deka beduan, nundi, ngasa k ati..
nda ku deka muni diri nganyam bungai pengerindu, nyimpan teguh pengarap ba ati ka begulai sejalai enggau nuan.
kapa meh ku ngitung bintang ke nyau bekedara di langit nganti diri ke betemu enggau nuan.
kapa meh ku niu leka ujan ke beterutu lemai ari nganti pemulai, penatai nuan.
nyamai ku mupuk ngati kediri
ngiga penyangkai ti meruan alai ngenduh kediri mpu
nganti pemansut matapanas alai mupuk baru guai ke datai ba pengkalan
No comments:
Post a Comment