Kati sanggup kita indu ngaga nama aja ketegal penyayau? Sanggup kita saum beambai, bekunsi laki? Deka kita diau begulai enggau laki ti bisi nyimpan indu bukai? Ulih kita nerima laki ti ngayah ke kita ba depan mata?
AKU ENDA SANGGUP! Mati idup baru pun aku tetap enggai. Sigi enda ulih diterima pengawa ke bakatu. Aku enggai bekunsi enggau urang bukai. Enggai saum pemakai. Aku enggai makai sepinggai enggau urang bukai. Nyau besilih malam ke begulai enggau laki. Malam tu aku, lalu malam siti indu bukai. APU! ENDA ULIH DITERIMA!
Kasih ningga cherita siku kaban. Madahka ke pangan iya sigi deka idup poligami munyi ko jaku laut. Empai jadi, empai begulai seduai iya, laki nya dah ngemai indu bukai. Udah bisi calon bini lumur 2. Udah dibai betemu enggau tudah kaban. Akai indai! Parai diayah ke laki bakanya! Nyangka laban kelalu sayau meh tudah ke sanggup nerima pengawa laki bakanya.Manah amat ati kaban siku tu. Nadai ku kala betemu enggau indu ke sanggup nerima bini lumur 2 lalu ulih begulai manah. Kasih ke indu nya ko iya! Tang, indu nya sanggup ngerampas laki nya lalu diempu iya siku aja. Nyeee! Sapa indu sanggup bekunsi??? Burak mata nuan kaban meda pangan nuan diempu indu ke patut nyadi bini lumur 2 nya!
Lapa meh bangat mapap, kelalu tambap..Nama abis urang laki ba dunya tu? Bangat takut enda ampit urang laki. Nyau betegaring baka batu kerangan urang laki ba dunya tu! kapa irau!
Manah agi tinggal ke aja laki ti bangat jai ati bakanya. Kapa nunduk ke iya? Ukai siku iya aja laki ba dunya tu. Enda parai kitai indu ti nadai urang laki enggau begulai. Enti bangat tetenguk nginjau periuk zink ba sebelah tisi jalai. Bisi ke rega mudah deh! Nyaa..! Pia ke jaku.
No comments:
Post a Comment