reti taun 2010???

Taun dah beganti. Diatu dah manggai ba taun 2010. Taja taun beganti, dunya nyau ngalih, umur majak nambah, tang ku semampai betanya dalam ati diri. Nama tuju pengidup aku? Semina ti ngambiska pelajar ba maktab. Pansut lalu nyadi cikgu. Nadai pengingin bukai. Pengingin deka ngulihka pemujur bukai kelimpah ari pelajar. Tang, ku ngasai ke diri empu nadai berubah. Pendiau agi baka taun ke dulu. Mimit pen nadai berubah. Perangai lama bai ngagai taun baru. Pikir lalu nadai mansang tuai serta pengelandik ngereja pengawa nadai majak nambah. Runding ati ti deka berubah nyadi orang ke lebih manah agi semina tinggal angan - angan aja. Nadai dipenyadi. Laban kelalu bai ati. Alah laban pengingin ati. Semina nurut ke runding ti agi matak, empai mansau, agi mabu. Ku kadang-kadang ngasaika pengidup ku nadai tuju. Semua ya dah diatur magang. Semua dah ditentu ka ari suba. Nadai kala diberi peluang milih kediri empu. Pengidup dah diatur magang. Diatu, tuju semina ti deka ngambiska pelajar. Ngambiska utai ti udah dipun ka.Nadai komitmen ke bukai. Belajar, belajar, belajar....Nama reti pengidup ti nadai tuju? Nadai peneka? Bakani ka napi penguji ba dunya tu? Semina Tuhan ti nemu. Antara ku enggau Ya aja meh nemu.